పుట:2015.372235.Kulasheikhara-Mahiipaala 0043.pdf/2

సీ.⁠

కేడించి హయము క్రొవ్వాడిమై నడరింప                మదమరి కికురించు మంత్రులార! ఇది యసాధ్యంబంచు నేఁదలంపఁగ నది                దాపై మెలంగు ప్రధానులార! ఒగి గుబాలునఁ దురంగోత్తమం బెగువంగ                జౌకళింపుచుఁ బాఱు సచివులార! మది నేమరించి పట్టెదనంచుఁ జూచిన                మది బెగ్గడిల్లు నమాత్యులార!

⁠

ఆ.⁠

పొదువ నలవిగాదు పొలియింపఁ దమి లేదు మగిడి విడిచిపోవ మనసురాదు అకట యేమి చెప్ప నాలేటిఁ గైకొను నాసఁ జేసి వెంట నరుగునపుడు.

⁠ 139

క.⁠

అంత నది యలసి యేత త్ప్రాంతంబునఁ బడిన దానిబడలిక గని మ త్స్వాంతమునఁ గృపజనింపఁగ నెంతయు శైత్యోపచార మేఁ జేయంగన్.

⁠ 140

క.⁠

అది యంత మనుజభాషల ముదవొదవఁగ నన్ను జూచి భూనాయక! నీ మది నేల వగవఁజూచెద విది రాజోచితవిహార మీ వెఱుఁగవొకో.

⁠ 141

వ.⁠

అని రాజధర్మానుగుణసంభాషణమ్ముల నాకుం బ్రియమ్ము నెరపి వెండియు.

⁠ 142

సీ.⁠

తన పూర్వభవమున ధర్మజ్ఞుఁడన నొప్పు                భూసురోత్తమునకుఁ బుత్రి ననియె తననాథుఁడగు చంద్రకుని తల్లి చండిక                శ్రమ నొంచెఁ గోటరికమున ననియె దనమృదూక్తుల నాయమను మంచిసేయంగఁ                దలఁచిన పగ సాల బలసె ననియె

⁠