పుట:2015.372235.Kulasheikhara-Mahiipaala 0025.pdf/1

మ.⁠

పటుగోరక్షణమున్ గృషిక్రియ యనల్పంబైన వాణిజ్యమున్ దిట మొప్పన్ దమవృత్తులై వడుప నర్థిన్నిత్యసంపాదితో త్కటనానాధనధాన్యలాభముల యక్షస్వామి నోడించుఁ గో మటు లవ్వీఁట వసించియుండుదురు సమ్యగ్దానపారీణులై.

⁠ 50

క.⁠

భీరు లసత్క్రియల, మహో దారులు సత్పాత్రముల, బుధద్విజసేవా ధీరులు సంగ్రామకళా శూరులు తత్పురి వసించు శూద్రప్రవరుల్.

⁠ 51

ఉ.⁠

కొండలపెంపు గెల్చు రథకోటులు కాఱుమొగిళ్లభంగి నొం డొండచెలంగు మత్తకరు లుజ్జ్వలఘోటకముల్ ప్రచండకో దండకళోద్భటుల్ భటు లుదగ్రతఁ బెంపువహింప వైరి దో శ్చండిమ గండడంచు బలసంపద నప్పుర మొప్పు నెంతయున్.

⁠ 52

చ.⁠

సరసిజపత్రలోచనలు చంద్రనిభాస్యలు తప్తహేమసుం దరతనువల్లు లుల్లసితధర్మపరిశ్రమనైపుణీమనో హరచరితల్ పతిప్రియగుణాన్విత లవ్యయపుణ్యగణ్య ల ప్పురిని పురంధ్రికామణులు పొల్పు వహింతురు శీలసంపదన్.

⁠ 53

సీ.⁠

తనుకాంతులకు నోడి తపియించి కరఁగు హే                మార్తికి హేమ తా నార్తిఁ గాంచె విపులోరుదీప్తికి వెఱ యూఁది రంభ కం                పింపంగ రంభ కంపింపఁదొడఁగె కమనీయనిటలరేఖకు నోడి శశిరేఖ                కృశియింప శశిరేఖ కృశత గాంచె విమలలోచనసౌష్ఠవమునకు హరిణి భీ                తిలఁ జూచి హరిణి భీతిల్లఁదొడఁగె

⁠

తే.⁠

నప్పురమ్మున నుండు వారాంగనాంగ కోపమానపుంజం బిట్టు లోటుపడుట గాంచి తన్నామగంధయోగమునఁ జేసి తలఁకి రచ్చర లెద నపత్రప జనింప.

⁠ 54