పుట:2015.370800.Shatakasanputamu.pdf/373

సీ. జపహోమసంధ్యాదిసత్క్రియల్ జేసిన
               నుపవాసములఁ గార్శ్య మొందియున్న
     బుణ్యస్థలంబులు పోయి సేవించిన
               మానక దానముల్ పోయి సేయఁ
     గాశీప్రయాగగంగానదీస్థలముల
               సకలధర్మంబులు సలుపు చున్న
     సారె ధనుఃకోటి స్నానంబు చేసిన
               భక్తినీయెడ లేక ముక్తి లేదు
గీ. కన నీపదపంకజధ్యానపరుని
     గా నొనర్పుము కరుణించి కమలనాభ
     సురుచిరాకార ఉన్నవపురవిహార
     రాజగోపాల రాధామనోజఖేల.98
సీ. అల యజామీళునికలుషంబు లెడలించి
               యెలమితో సాయుజ్య మీయ లేదె?
     అపకార మొనరించినట్టికాకాసురుఁ
               గృపతోడఁ జూచి రక్షింపలేదె?
     పగవానితమ్ముని మృగధరార్కస్థాయి
               గా లంకఁ బట్టంబు గట్టలేదె?
     సభలోన నపరాధశతము పల్కినయట్టి
               శిశుపాలు నాత్మలోఁ జొనుపలేదె?
గీ. నీదయారస మొరులు వర్ణింపఁ గలరె
     నన్ను గరుణింపు మిదె నీకు విన్నపంబు
     సురుచిరాకార ఉన్నవపురవిహార
     రాజగోపాల రాధామనోజఖేల.99