సీ. తనుదానె కౌఁగలించెను రుక్మిణీదేవి
యలసత్యయును పొలయలుకమానె
క్షణమైన బాయదు జాంబవతీదేవి
మేనుమే న్గదియించె మిత్రవింద
భద్రయు న్భవదూరుభద్రపీఠిక నెక్కె
వదలకుండె సుదంత వామకరము
కాళింది నిజపాదకమలము లొత్తంగ
లక్షణ మైదీఁగె లాగదొణగె
గీ. రాఁగనోపవొ? పాశ్చాత్యరాడ్బలంబు
సాధుతతిఁ గొట్టిదోఁచఁఘాఁ జకితులయిరి
తుది పనికివచ్చెలే నీకు తురకగుద్దు
వైరిహరరంహ! సింహాద్రి నారసింహ!30
సీ. తపనీయకశిపుండు దండించుతరువాత
కాని ప్రహ్లాదుని గానలేదు
కురురాజు పాంచలి కొప్పు పట్టీడిపిం
చినవెన్కఁగాని రక్షింపలేదు
కరిరాజు మొసలిచేఁ గడుకష్టపడిన
పిమ్మట గాని వేంచేసి మనుపలేదు
పాండవు ల్బాధలఁ బడిన యనంతరం
బునగాని సిరులిచ్చి బ్రోవలేదు
గీ. భక్తు లిప్పుడు కొన్ని యాపదలఁబడక
ముందుఁ బోషింపనట్లయౌఁ గొందఱికిని
మును శిశువు నేడిపింపక ముద్దురాదు
వైరిహరరంహ! సింహాద్రి నారసింహ!31
పుట:2015.370800.Shatakasanputamu.pdf/235
ఈ పుట అచ్చుదిద్దబడ్డది