చతుర్థాశ్వాసము
149
హరివంటిరసికుఁ డెనయుట
మరునిప్రతాపంబొ కాక మాభాగ్యంబో.
క. దిటమునఁ బదాఱువేవురు
కుటిలాక్షులమాయఁ దగిలె గోపాలుఁడు నే
నెటువలె సైరింతు నయో
కటకట యెడ లేనిసవతికాపుర మయ్యెన్.
సీ. తేరకుఁ దేరగా జేరినరాధతో
గూడి యాడి సుఖంచుఁ గొన్నినాళ్లు
నేటుగాఁ దనచేతితాటికి లోనైన
కోమలులకుఁ దక్కుఁ గొన్నినాళ్లు
చెల్లఁగా మును గొల్లపల్లెల నగపడు
కొమెరలనుడిఁ జిక్కుఁ గొన్నినాళ్లు
యోగంబు దెచ్చుమేయాగంబు పచరించు
గుబ్బెతలకు నబ్బుఁ గొన్నినాళ్లు
తే. వాని నొకనోట మగఁ డన వశమె యట్టి
బ్రదుకునకు నెల్లఁ జాలనికొదవ యేడ
వానికిఁ బదాఱువేలపై వలపు పాఱి
ముమ్మరం బయ్యె నీవేళ నమ్మలార.
క. మును దనకు మేను దాఁచక
పెనఁగినపౌరుషము జనులు పృథివి నెఱుఁగరా
వనజాక్షులార యెవ్వరి
నెన రెవ్వరికిన్ సతంబు నిజ మిటు లయ్యెన్.
క. వగ దప్పి నలంగిననా
దగడప్పులఁ దీర్చి నన్నుఁ దనియించక యా
మగువల హరి సేరెఁ గదా
తగ వేడది పతికి గుబ్బెతలు తఱ చైనన్.
