92
సత్యభామాసాంత్వనము
సీ. ప్రక్కలోఁ బవళించి పదము పై హవణించి
యచ్చోటు గదియించి హౌసు మించి
జిగిగుబ్బ లానించి బిగియ సం దొనరించి
పెదవి కెంపులు నించి బెద రణంచి
మో విచ్చి తేలించి ముద్దాడి లాలించి
ముందుగాఁ గదియించి మోహరించి
యలసి నీ వలయించి చెలఁగి న న్నెలయించి
పుంభావ మొనరించి బుజ్జగించి
తే. వేగ నభిముఖివై తోన విముఖ మగుచు
భ్రమణ మొనరించి రమణఁ బరా కటంచు
మురువుతో వ్రాలి నీమేనియొరపు లెల్ల
నింక నొకసారి దయసేయవే యొయారి.
క. ఉమ్మలిక మయ్యెఁ జామా
కొమ్మా లతకూన ముద్దుగుమ్మా నారీ
నమ్మితిఁ బల్కు మొయారీ
యి మ్మగునామీఁదిప్రేమ యేమాయె నయో.
సీ. చల్లఁగా మనసు రంజిల్లఁగా నీచేత
వెలఁదిరో యెపుడు నే వీణె విందుఁ
బొందుగా వీనులవిందుగా నీచేతఁ
గలికిరో యెపుడు నేఁ గథలు విందుఁ
దేటగాఁ దేనెచిట్టూటగా నీచేత
నతివరో యెపుడు పద్యములు విందు
హరువుగా బకదారిమురువుగా నీచేతఁ
గొమ్మరో యెపుడు పల్కులను విందు
తే. ననికి దళకర్త నంపక యకట నేనె
యేల వచ్చితి వచ్చినయింతి నిన్నుఁ
