పుట:సకలనీతికథానిధానము.pdf/210

204

సకలనీతికథానిధానము

ఆ.⁠

ఈఁగిలేనివాని నిమ్మనువాఁడును వ్యసని వ్యసన ముడుగుమన్నవాఁడు పందఁబోటునకునుఁ బనిచినవాఁడును సరయ శత్రులగుట నిశ్చయంబు.

⁠ 93

క.⁠

ఆయవ్యయములలోపల నాయమునకు వ్యయము మిగుల నల్పం బైనన్ శ్రీయగు సరియగు నేనది పాయదు వ్యయ మధికమైనఁ బాయును సిరియున్.

⁠ 94

క.⁠

పలువురు మెచ్చఁగ సభలో బలికిన పలుకొప్పుఁ జిలుక పలికిన కరణిన్ బలుకక యసహ్యము గదాఁ బలుకుట యది గార్దభంబు పలుకుటగాదే.

⁠ 95

క.⁠

మునియును శకునజ్ఞుఁడు దనుఁ బనిచిన పని కొకని దానె పనిచెడు వాఁడున్ జనిరాని వాఁడు కంబపు వెనుకకుఁ జనువాఁడు భృత్యవృత్తికి నధముల్.

⁠ 96

క.⁠

చల్లనిమాటలచేతను నెల్లపనులు దీర్పవచ్చును నిది యెట్లన్నన్ చల్లనియేరులు గావే పెల్లగిలం గొట్టు పాఁతు పెకలం గిరులన్.

⁠ 97

ఆ.⁠

స్వామిపగిది పంచసంవత్సరంబులు పదియువత్సరములు బంటువలెను అంతఁబదియునారు హాయనమ్ములు నిండ మిత్రువలెనుఁ బుత్రు మెలపవలయు.

⁠ 98