ఈ పుట ఆమోదించబడ్డది
సుందరకాండ
39-40
అని భావించి మహాకపి, ఆర్చుచు
వడినెగసె పురద్వారము మీదికి
ముసముస మసలెడి అసురులతో, బహు
గృహములతో కిక్కిరిసి యున్న యెడ.
41
అచట నిలిచి కొండంతయి, వెంటనె
చిన్న పిట్టవలె సన్నగిల్ల , రా
క్షసులు బిగించినకట్లు తమంతట
సళ్ళి జాఱిపడ సాగెను హనుమను.
42
బందంబులు విడివడి దిగజాఱిన
వెంటనె మారుతి పెద్దకొండవలె
పైకిపెరిగి, ఆ ద్వారబంధ మం
దడ్డ దూలమును అటునిటు చూచెను.
43
ఇనుము పోతపోసిన ఆ నల్లని
పెద్ద దూలమును పెల్ల గించి, నగ
రద్వార మహోరాత్రంబులు కా
వలి కాచెడి దైత్యుల పడమొ త్తెను.
44
రణచండ పరాక్రమశాలి హనుమ,
అసురుల నటు హతమార్చి, మండువా
లముతో కనబడె లంకను చూచుచు,
కిరణ హారియగు తరణి కరణి యట.
6-7-1967
401