ఈ పుట ఆమోదించబడ్డది
సర్గ 44
శ్రీ
సుందరకాండ
సర్గ 45
1
దానవ రాజాజ్ఞానియుక్తులయి
వహ్నిజ్వాలలవలె దీపించుచు
మంత్రి పుత్రు, లసమాను, లేడుగురు
సదనము లెడలిరి కదనము వేడ్కను.
2
అస్త్రశస్త్రవిదు, లమిత బలిష్ఠులు,
ఖ్యాతిగన్న విలుకాండ్రు, పరస్పర
జయకాంక్షామత్సరు, లపార సే
నాబలాంగ సన్నాహు లందఱును.
3
బంగరు మోకులు బంధించిన స్తం
భాలమీద జెండాలు భ్రమింపగ,
పారసీకములు పన్నిన రథములు
మేఘగర్జనల మించి రటింపగ.
4
దృఢపరాక్రమ ధురీణులు, మంత్రి త
నూజులు కనకధనుస్సులు పొరిపొరి
మ్రోయింపుచు, తనివోయి కనబడిరి;
మెఱుపుల నుఱుముల మేఘంబులవలె.
346