ఈ పుట ఆమోదించబడ్డది
శ్రీ
సుందరకాండ
సర్గ 41
1
మైథిలి పనికిన మంచిమాటలు ప్ర
సన్నముగా తనస్వాంతము తనుపగ,
పయనించిన హనుమయు ఆచోటును
విడిచిపోయి భావింపసాగె నిటు.
2
వచ్చిన కార్యము పాటునబడె, వై
దేహి అడపొడలు తెలిసె, నింక మిగి
లిన దల్పము, మొదలిటి మూటిని విడి
చతు రుపాయమే సరిపడు నిచ్చట.
3
సౌమము సాగదు తామసు లసురులు,
దానము చెల్లదు ధనికుల పట్టున,
పాఱదు భేదము బలవంతుల యెడ ,
దండ మొకటె యుక్తమయి రుచించును.
4
బలపరాక్రమ ప్రక్రియ తప్ప, మ
ఱే ప్రయోగమును ఇచ్చట పొసగదు,
అనిలో కొందఱు హతమార్చిన, మె
త్త పడుదు రావల దానవ ధూర్తులు.
326
