సర్గ 26
18
అసురుడట్లు నన్నపహరించి పఱ
తెంచుచున్నపు డెదిర్చిపోరిన జ
టాయు వెపుడొ తెగటారె, నింక నా
వృత్తాంతము పతి కెవరెఱిగింతురు?
19
వృద్ధుండైనను వీర కేసరి జ
టాయువు రావణు నడ్డగించి పో
రాడెను నను కాపాడగ ఎక్కటి
కయ్యములో గ్రక్కదలక ఘనముగ.
20
నేనీగడ్డను దానవ ఘాతల
పాలయి దురపిలు వార్త సోకినన్, '
రాము డపుడె క్రూరాస్త్ర శస్త్రముల
లోక మరాక్షస లోకము చేయును.
21
లంకగడ్డ లవలన కంపింపగ
జలము లింకి వార్ధులు శోషింపగ,
ఊరుపేరు లేకుండ మాసిపోన్,
నీచుని రావణు పీచమడంచును.
22
మగలు చావగా మిగిలిన మగువలు
ఇంటింటను- పడియేడ్తురు, నే నిపు
డేడ్చుచున్నటుల , ఏపును ప్రాపును
బూడిదయై పోవును లంకాపురి.
23.
రామలక్ష్మణులు రణ దుర్జయు లీ.
లంక నాల్గ మూలలును వెతకి, రా
త్రించరులను కడ తేర్తురు చావక
బ్రతుకడు శత్రువు వారి కంటబడి
