ఈ పుట ఆమోదించబడ్డది
శ్రీ
సుందరకాండ
సర్గ 26
1
ఆ విధమున వాపోవుచు జానకి
కండ్లనీళ్లుబికి కాల్వలు కట్టగ
ముఖము వంచుకొని బోరున ఏడ్చెను
తల్లడిల్లి పసిపిల్ల చందమున.
2
పిచ్చిదానివలె, వికలచిత్తవలె,
శివమెత్తిన దానివలె, నేలబడి,
పొర్లాడెను వంపులు తిరుగగ మెయి,
అశ్వబాల చాయను జనకాత్మజ
3
ఏమఱి రాఘవు డెడమైనప్పుడు
మాయవేసమున డాయవచ్చి, నను
బలిమిపట్టి రావణుడు తెచ్చె వడి,
పెనగులాడి యేడ్చినను విడువ కిటు.
4
ఇచ్చట రక్కసి మచ్చరి కత్తెలు
కోరాడగ చిక్కున బడి. పొక్కుచు
దుస్సహార్తి వందురుచుంటిని; ఇక
బ్రతికి యుండ నోపను క్షణమైనను.
213
