ఈ పుట ఆమోదించబడ్డది
సర్గ 23
18
ఆపయి దుర్ముఖి యను సేవికయనె,
ఎవని భీతి రవి యెండలు కాయడు;
పవనుడు విసరడు పడమటిగాడ్పులు,
పల నీ వతని కిష్టపడ విటుల?
19
ఎవనికి భయపడి జవజవ వణకుచు
పూలు విరులు దిగబోయు వృక్షములు,
ఎప్పుడు వలసిన అప్పుడిచ్చును ప
యోధర భూధర వీధులు జలములు.
20
అట్టి రావణున కఖిల దైత్య సా
మ్రాజ్యాధిపతికి, రాజరాజునకు
ప్రాణేశ్వరివై రాణించుట కీ
వేల యిష్టపడవో లోలాలక!
21
నీ సుఖ శోభన నిత్యవృత్తమున
కొప్పగు మాటలు చెప్పితి స్మితముఖి!
భావింపుము నింపాదిగ మనసున,
ఒప్పుకొనుము లేకున్నను బ్రతుకవు.
200
2-4-1967
