సర్గ 14
16
వేగశాలి కపివీరుం డెగసి క
దల్చి కుదిల్చిన ధాత్రీజాతము
విదిలించెను గజిబిజి దులిపిన
విచ్చిన పూలను పచ్చని పండ్లను.
17
గాలికి ఆకులు నేల రాల ఉ
ల్కిపడి విహగములు లేచిపోవ, చ
ల్లని ఛాయలు కోల్పడి వనస్పతులు
మ్రోడులాయె, మారుతి తాడనలకు.
18
తలనీలాలు చెదరి చిక్కుపడన్
మెయిపూతల మిసిమితరుగ, వా తెర
దొండపండు తొగ రెండగ, నఖముఖ
దంతపీడనల నలిగిన చెలివలె.
19
వానరవీరుని వాలపాశబం
ధముల రాపులకు తలకి యులికి, కపి
కరచరణ నఖక్షతుల వికలమై
కనుపించె అశోకవని సోయగము.
20
పెనగ చుట్టుకొని బిగియగ బలసిన
గండ్ర తీగెలు పెకల్చి విసరె హరి,
వింధ్యాచలమున వీగు వర్ష మే
ఘములను ఉప్పెన గాలి చందమున.
21
అందునందు కలయన్ తిరుగుచు కపి,
మాణిక్యంబుల మంటపములు, బం
గారు వెండి చెక్కడములుగల సుం
దర కేళీ మందిరములు చూచెను.
