19
శ్రీరామాయణము
దక్షిణంబున మారు - తకుమారకుండు
పక్షినాయకుని సం - పాతినింజూచి440
యతఁడు వచ్చినజాడ - నతిజవశక్తి
శతయోజనాయత - జలరాశి దాఁటి
రావణభుజపరా - క్రమపాలితంబు
గావున నమరు లం - కాపట్టణంబు
చొచ్చి నల్దిక్కులు - చూచి తా వెదకి
యచ్చో నశోకవ - నాంతరసీమ
రామునిఁ దలచి వి - రాలిఁ జింతిలుచు
సామైన యాసీత - చందంబు చూచి
మ్రొక్కి తన్నెఱిఁగించి - ముద్రిక యిచ్చి
యక్కన్నె తలమిన్న - యంది మిన్నంది450
వనపాలకులఁ గొట్టి - వనమెల్లఁ బెఱికి
తనివోకతోరణ - స్తంభముల్ విఱిచి
సొరిదిరావణుమంత్రి - సుతుల నేడ్గురను
దొరలనేవుర గొట్టి - తొంపరలాడి
అక్షునిఁ బొరిగొని - యలయింద్రజిత్తు
రాక్షసేంద్రుఁడు పంప - బ్రహ్మాస్త్ర మేయ
తాఁ గట్టువడి ధాత - తనకిచ్చువరము
చేఁగట్టులూడ్చి య - జేయసాహసుఁడు
చిఱుతపగ్గంబుల - చేఁగట్టువడిన
తెఱఁగున లంకభీ - తిదొఱంగి కాల్చి460
సీత సేమము చూచి - సింధువు దాఁటి
యాతఱి జాంబవ - దాదులతోడ
కాకుస్థుకడ కేఁగి - కంటి జానకిని
