శ్రీరామాయణము
7
గొలువుండి వారిఁ బే - ర్కొని యబ్బురముఁగ
కలతెఱంగెల్లను - కలతెఱం గెల్ల
తెలివిడిగాఁగ న - ద్దేవుసూక్తములఁ
దెలుపవారలు ప్రమో - దించి యిట్లనిరి.
-: కవివంశవర్ణనము :-
అవధరింపుము దేవ! అచలితభక్తి
నవనిఁ బెంపొందు నీ - యంతరాజునకు
విహితంబ కాదె శ్రీ - వేంకటేశునకు
సహజంబు స్వప్నసా - క్షాత్కారలీల
నినకులంబున వేంక - టేశుండు మున్ను
జనియించి తనపుణ్య - చారిత్రమెల్ల
బోయకులంబునం - బుట్టు వాల్మీకి
సేయ నందుబ్రమోద - చిత్తుండుగాక
అర్కవంశమున నీ - వై జనియించి
తార్కాణగాఁగ నే - తత్కథావిధము
రచియింపుమనియె - శ్రీరామచంద్రునకు
నచలితప్రీతిగ - దా నిజాన్వయుఁడు
తనచరిత్రంబు కీ - ర్తనసేయ వినుట
తనయులచేఁగాదె - తామున్ను వినియె160
నుచితోపయోగ్య మీ - యుత్తమకావ్య
సుచరిత్ర మీవొన - ర్చుట విహితంబు
సామాన్యమే రామ - చంద్రకీర్తనము
లేమేమి పుణ్యంబు - లీవు చేసితివొ
నీతల్లిదండ్రు లె - న్నిభవంబులందు
