ఈ పుట ఆమోదించబడ్డది
4
శ్రీ రామాయణము
పునరుక్తములు పట్టి - పూదెలు కాకుఁ
దెనుఁగు లీఁచలును సం - దిగ్ధముల్ ప్రాలు70
మాలికల్ కటువులే - మఱువులు కొసరు
లోలంబములు వెఱ్ఱి - యతకడంబులును
చాయలెత్తుట లర్థ - చౌర్యముల్ పెట్టు
జాయలులేక ల - క్షణసమ్మతముఁగ
నందమై సుకవులౌ - రాయన చెవుల
విందుగాఁ గపురంబు - వెదచల్లినట్లు
ధ్వనులు వ్యంగ్యములు విం - తలు వాసనలును
మినుకులు జిగిబిగి - మెరవడుల్ జాతి
వార్తలు నుపమలు - వర్ణనాంశములు
మూర్తిమద్వాక్యముల్ - ముద్దులు చూప80
నొకమాటకన్న వే - ఱొకమాటవింత
యొకపాదమునకన్న - నొకపాదమొఱపు
నొకదళంబునకన్న - నొకదళంబంద
మొకయుత్తరము మించ - నొకయుత్తరంబు
వెలయంగ ద్విపదఁ గా - వింప చిత్తమునఁ
దలఁచి యేనొకశుభో - త్కటదినంబునను
స్వప్నవృత్తాంతము
సుఖనిద్రితుఁడనైన - చో పూర్వపుణ్య
సఖమైన యొకసుఖ - స్వప్నంబునందు
కలకలనవ్వు చ - క్కని నెమ్మొగంబు
గిలగిలమొరయు బ - ల్కెంపుటందియలు90
