అయోధ్యాకాండము
657
కమలాక్షుఁ డపుడు సూ - కరమూర్తితోడ
జలమున మునుఁగు ర - సాతలం బెత్తి
బలుగోర కొననీటఁ - బఱుపుగాఁ బఱచె
ఆధాత సృష్టించె - నపుడు విశ్వంబు
వేధకుఁ గలిగెన - వ్వేళ మరీచి
ఆ మరీచికిని కా - శ్యపుఁడు జనించె
నా మహామహునికి - నర్కుండు బుట్టె10050
భానునకు మను - ప్రభుఁడు జన్మించె
భూసుతుం డిక్ష్వాకు - పుట్టె నాయనకు
నా సత్యనిధి యయో - ధ్యా పట్టణంబు
చేసి కూటస్తుఁడై - క్షితి యెల్లఁబ్రోచె
శ్రీరాము నినుఁ బెండ్లి - సేయు నవ్వేళ
మారాజు జనకుండు - మిగిలినవారు
వినుచుండ మీవంశ - వృత్తాంతమెల్ల
వినిపింపంగా నీవు - విన్నావె కాదె
ఆ దశరథునకు - నగ్ర నందనుఁడ
వాదిమరాజ న - య ప్రతాపుఁడవు 10060
నీ వయోధ్యకు వచ్చి - నిఖిలరాజ్యంబు
శ్రీవెలయంగ ర - క్షింప ధర్మంబు
—:వసిష్ఠుఁడు గురుమతమును విడనాడరాదని రామునకుఁ జెప్పుట :—
తగవు వల్కెద తల్లి - దండ్రులు గురుఁడు
జగతిపై నొకరూపె - జనుల కందఱికి
