636
శ్రీరామాయణము
మనతండ్రి యానతి - మన మాచరించి
యనుభవింపుదము - మేలైన కీడైన 9540
పట్టంబు గట్టింప - పాఱఁదోలుటకు
గట్టిగా మనకెందుఁ - గర్తభూవరుఁడు?
కావున తండ్రిపై - గల మమత్వంబు
నీవేల తల్లిపై - నిలుప కాడెదవు?
ఆతండ్రి లేఁడేని - యడవుల కనుచు
నీతల్లి యున్నది - యీయమ్మమాట
చిన్నఁబుచ్చి ప్రతిజ్ఞ - చేసిన యేను
నన్ను నేమరితప్ప - నడవ నేరుతునె?
నిన్ను పట్టముగట్టి - నిలిపి కానలను
నన్ను నుండఁగఁ జేసి - నరనాయకుండు 9550
సాక్షియై దివినుండ - చనునయ్య మనము
దక్షులమై యామ - తంబు వోనాడి
యెప్పుడెప్పు డటంచు - యేవచ్చి నీకు
జెప్పిన భూమి నీ - చేత హరించి
యిటువంటి వాఁడని - యెల్లరు నాడ
నటువంటి ఖలునిఁ జే - యఁగఁ దలంచెదవు
హితమిది నాకు - యేనిచ్చెద నీకు
క్షితిపతి పాలించు - సింహాసనంబు
పదునాలుగేండ్లు త - ప్పక యిందునుండి
తుది నయోధ్యకు వచ్చి - తోఁబుట్టు వైన 9560
నీమాటవిని యెద్ది - నేమింతు వప్పు
డామాట సేయుదు - నరుగము మఱలి”
అనునంతఁ తఁపనుఁ - డస్తాద్రిఁ గ్రుంకుటయు
