634
శ్రీరామాయణము
జడలతో వల్కల - శాలులతోడ
పుడమియేలకరాజ్య - భోగముల్ మాని
వచ్చితి విటువంటి - వారల మిమ్ము
నిచ్చోటఁ జూచి నే - నెటులోర్చువాఁడ?
మీకు సుఖంబైన - మేలని యెంచి
నాకెట్టిఖేదమైన - సహింతుగాక!
నాతలం పెఱిఁగియు - ననువెతం బెట్ట
నీతియే యహితంబు - నీవుసేయుదురె?
యేలవచ్చితివి? నీ - హృదయంబులోని
కీలునాతో నెఱిఁ - గింపు వేఁడెదను” 9500
అనవిని యన్నతో - నంజలిచేసి
తనవర్తనము భర - త కుమారుఁడనియె.
దశరథనృపతి మా - తల్లిచేఁ గాల
వశుఁడయ్యె మిముఘోర - వనులకు ననిచి
యీకైక తనకోర్కు - లీడేర్చుకొనియు
పోకయున్నది యమ - పురి కింకనైన
రాజులేనట్టియా - రాజ్యంబుసేయ
రాజవుగాన ప్రార్ధన - చేసి మిమ్ను
నర లేని బంటనే - నని యెన్నుకతన
మఱలఁదోకొని పోవు - మతివచ్చినాఁడ 9510
నాయందు నిట్టి య - నాథ లైనట్టి
యీయమ్మలందు - మిమ్మెడ వాయలేని
ధరణీ జనుయందు - దయయుంచి మఱలి
పురికి నేతెండు నా - పూనికదలఁచి
శారదయామినీ - చంద్రునిచేత
