632
శ్రీరామాయణము
చక్కఁగా గనునంత - జలజలమనుచు
కనుఁగొలుకులజల - కణములు రాలఁ
దనతల్లిపాదప - ద్మములపైవ్రాలి
ఆయమ్మశ్రీరాము - నక్కునఁజేర్చి
హాయను యెలుంగెత్తి - యారటలేక
విలపింప సౌమిత్రి - వెనక మ్రొక్కుటయు
గలఁగుచు నాతనిఁ - గౌగిటఁజేర్చె 9450
జలదమాలికలోని - శశిరేఖకరణి
చలువేది నిగురుముం - చిన నిప్పు రీతి
పసివాఁడు మోముతో - వనధూళిఁబొదివి
కనుగందియున్న యం - గకములతోడ
జానకీరమణి త - చ్చరణంబులకును
తానుమ్రొక్కినఁ గన్న - తల్లియ పోలి
ఆసతీమణినెత్తి - యాలింగనంబు
చేసి యా కౌసల్య - చింతించి పలికె
"ఓయమ్మ! నినువంటి - యుత్తమాంగనకు
నీయవస్థలువచ్చె - నేమనవచ్చు? 9460
జనకుండు నీకును - జనకుండు దశర
థునియంత రాజచం - ద్రుఁడు నీదుమామ
రామచంద్రుండు వంటి - రమణుండునయ్యు
నోమానవతీ! యిట్టు - లుండనోచితివె?
నినుఁజూచియేఁ దాళ - నేర్తునే? నాదు
జననంబు దుఃఖ భా - జనమయ్యె నింత"
అనుచుండు నాచార్యుఁ - డరుదేర నతనిఁ
గని బృహస్పతికి సం - క్రందనుఁ బోలి
