అయోధ్యాకాండము
621
సాదమే మగుటయు - జడతయు బుధుల
మన్నింపమియు పాలు - మాలుట సతుల
చిన్నెలం దగులుట - సేయుఁ గార్యములు
తనయిచ్చ నడపుట - తగని మంత్రములు
చెనటివారలఁ గూర్చి - సేయుట తగిన
యాలోచనమును సే - యమియును సేయు
నాలోచనములు బ - యల్సేయుటయును 9180
శుభకర్మములు మానఁ - జూచుట నలుగు
రభిముఖులై దొర - లనికి నేతేర
నొకఁడు నెదుర్చుట - యునుఁ జూవెరాజు
నకుదోషములు పదు - నాలుగై యుండు
తొలఁగి యీచెప్పిన - దోషంబులకును
విలసిల్లదే నయ - విదులేన నంగ
ఆలస్యమును లోభ - మాగ్రహించుటయు
చాల మోసంబు న - సత్య వాదంబు
పిరికి తనంబుతో - బేదఱికంబు
నెఱుక లేమియు నీతి - యెడ వాయుటయును 9190
కొంచంబు లాడుటఁ - గూడ వివేకు
లెంచిరి దశ - వర్గ మిదిమానినావె?
స్థలదుర్గ వనదుర్గ - శైల దుర్గములు
జలదుర్గ ధనురస్త్ర - చయ దుర్గములును
అనఁ బంచదుర్గంబు - లరసి నీమేని
యనువున మఱవక - యరయుదే యెపుడు?
చెలిమియు నెడవాయఁ - జేయుటఁగాఁగ
కొలది నిచ్చుట పనిగొని - యడంచుటయు
