అయోధ్యాకాండము
619
నర్మిలి బాలింతె - యరసి పాంథులను?
మహినెల్లచో నదీ - మాతృ కత్వమున
బహుళంబులగు జాన - పదము లన్నియును
ముక్కారు పంటలు - మోచి స్వర్గమును
లెక్క సేయక యవి - లెస్స యున్నవియె?
అరయు దే నగరి కా - ర్యముల నాదాయ
పరులునై నమ్మిన - ప్రాఁత వర్తకుల 9130
నిన్నునమ్మిన వారు - నిఖిల భోగముల
నున్నారె యచ్చిక - మొకయందు లేక
యిల్లాండ్రతో మర్మ - మెఱింగింపఁ బోక
యెల్ల కామితములు - నిచ్చి యేలుదువె?
సింధురాశ్వ ముల నా - ర్జించుచోనతి మ
దాంధతకును దని - యక మెలంగుదువె?
ఉభయవేళలఁ గొలు - వుండి నిచ్చటను
సభలోన హితగోష్ఠి - సలుపు చుండుదువె?
పనులవారల నొక్క - పరిపాటి గాఁగ
చనవిచ్చి యూనిక - సవదరింపుదువె? 9140
దుర్గాంతరముల ర - స్తులవిధరస
వర్గముల్ గలుగ స - ర్వమువిచారింతె?
ఆదాయమున కన్న - నధికమౌ సెలవు
కాదుసేయఁగ నంచు - కని మెలంగుదువె?
కరణముల్ దెలుప లె - క్కలు విచారించి
యెఱుఁగుదువే సీమ - నెత్తు రొక్కంబు?
నిలువ లుండఁగనీక - నెఱి నాడునాట
నిలవృద్ధిం బొందించి - యేలు చుండుదువె?
