594
శ్రీరామాయణము
ఎచటనుండియొ వచ్చి - యిన్నియందములుఁ
బచరింపఁ జతురంగ - బలమునుప్పొంగి
అరవది గడియలు - నమ్మునీశ్వరుని
కరుణఁగాలమునకుఁ - గట్టిరిబొమ్మ
తెలవారు నంతలో - దేవతామాయ
తొలఁగె భోగములెల్లఁ - దొలఁగెనెల్లరకు
కలగన్నగతి నీరు - కడకేఁగ నిలుచు
జలచరంబుల రీతి - సైన్యమంతయును
యెందుపాళెముడిగ్గి - యేరీతినుండి
రందరు నారీతి - నచ్చోటనుండ 8530
—: భరతుఁడు చిత్రకూటమునకుఁ బ్రయాణము చేయుట :—
మరునాడు భరతుఁ - డమ్మౌనిశేఖరుని
చరణంబులకుభక్తిఁ - జాగిలిమ్రొక్కి
అయ్య! మీకరుణచే - నఖిలసైన్యంబు
నియ్యెడ నిన్నటి - కెల్ల నానంద
పారవశ్యమునొంది - బడలికెల్ దీరె
శ్రీరాముచెంతకుఁ - జేరంగవలయు
నెయ్యెడ నున్న వా - రేరీతిఁబోదు
యెయ్యెది మార్గ మీ - వెఱిఁగింపు మనిన
ఆభరద్వాజ మహా - ముని కరుణ
తో భరతునకుఁ బొం - దుగ నిట్టులనియె 8540
“అనఘ! యిచ్చటికి మూఁ - డామడమేర
నొనరిన చిత్రకూ - టోర్వీధరమున
మందాకినీ నది - మలయు నుత్తరము
