అయోధ్యాకాండము
567
వారును కుమ్మర - వారును చాకి
వారును చాయల - వారును పనుల
వారును కటికిరి - వారును వడ్ల
వారును మేదర - వారును గంధ
కారులు జెట్లును - గణికులుఁ జొప్పె
వారును మాంత్రికుల్ - వైద్యులు సోది
చెప్పెడు వారును - శీర్నాల వారు
చొప్పరులుఁ దలార్లు - జోశ్యులుం గదల 7870
భరతుం డష్టకములు - పాడుచు నున్న
ధరణి దేవతల ర - థంబుపై నునిచి
కదలి యింద్రునిరీతి - గంగా తటంబు
కదిసిసేనలు డిగ్గఁ - గా నెచ్చరించి
అపుడు సుమంత్రుని - యాచార్యుఁ జూచి
యపరాహ్ణ మయ్యె నేఁ - డలసిన వారు
జనులెల్ల మనము ని - చ్చట నేఁడునిల్చి
యినుఁ డుదయించు చో - ని మ్మహానదిని
తమ తండ్రికిని వారి - దాన మొసంగి
సమచిత్తమున రేపు - చనుద మవ్వలికి " 7880
అనివారి విడుదల - కనిచి కై సేయు
తన సగరను కూర్మి - తల్లులుం దాను
యెప్పుడు దెలవారు - నెప్పుడు పోదు
నెప్పుడు రఘురాము - నీక్షింతు ననుచు
తమ్ముఁడుఁదా నొక్క - తల్పంబు నందు
సమ్మతి శయనించు - సమయంబు నందు
