అయోధ్యాకాండము
547
విలపించు నంతట - వేగు జామయ్యె.
తెలవాఱుటయును మం - త్రి యుతంబు గాఁగ
నలరువసిష్ఠ మ - హామౌని వచ్చి
భావికార్య విచార - పరతచే భరతు
నా వేళ వీక్షించి - యతని కిట్లనియె.
—: భరతుండు తండ్రికి సంస్కారముచేయుట :—
"చాలింపు మింక వి - చారంబు తండ్రి
మేలెంచి తీర్పుము - మీది కార్యములు 7390
కలిగియున్నవి పెక్కు - కార్యము ల్మీఁద
కలఁగకు మన" విని - కాకుస్థకులుఁడు
గురునియానతి నూన - కొప్పెరలోని
ధరణీశుఁ దెప్పించి - తానమాడించి
నవరత్న సింహాస - నంబుపై నుంచి
వివిధకాంచన వస్త్ర - వితతి గట్టించి
సొరదియై బోగపు - సొమ్ములన్నియును
వరసతోఁ దెప్పించి - వానగైసేసి
కుండల మాణిక్య - కోటీర దివ్య
మండనంబు లమర్చి - మనుజేశుఁ జూచి 7400
"అయ్య! యీయానతి - యౌదల నుంచి
చయ్యన మాతుల - సదనంబుఁ జేరి
తడవుంటి నని మదిఁ - దలంచియో నన్ను
కడకంటఁ జూడవు - కన్నులు దెఱచి
రామునిఁ బాసి తీ - రని చింతనున్న
భూమీజను లడంచి - పో నీకుఁ జనునె?
