అయోధ్యాకాండము
543
నొరుల మేలునకు జూ - పోపకవారిఁ
జెఱపఁ జూచినవాఁడు - చెడిపోవుగతికి
కండకావరమున - గర్వించి నగర
గొండియంబులు నల్కు - కూళలగతికి
ఐనయర్థంబు కా - దనియీసు వెనిచి
లేని కార్యములు వ - ల్కెడు వానిగతికి
నొరులుచేసిన మేల్మి - యుల్లంబులోన
మఱచి కీడాడు దు - ర్మతి వోవుగతికి 7290
బహుజన ద్వేషులై - బ్రతుకుల కొఱకు
తహతహ మెలఁగు పా - తకు లేఁగుగతికి
గుణములన్నియుఁ ద్రోచి - కొంచెపు తప్పు
గణుతించి తెగడు ము - ష్కరుఁ డేఁగుగతికి
కలిగియుండియుఁ జాల - కష్ఠుఁడై దాఁచి
బలిభిక్షములు మాను - పాపాత్ము గతికి
తీసిన ఋణము తా - దిద్దక యొరుల
మోసపుచ్చిన దురా - త్ముఁడు వోవుగతికి
నన్యుల దూపించి - యాత్మప్రశంస
లన్యాయముగఁ జేయు - నధముల గతికి 7300
తనపుణ్యఫలమైన - తనయులు లేక
వెనక చింతింపని - వీఱిఁడి గతికి
నాలుబిడ్డలు మాని - యటు తన కడుపు
చాల పోషించు దు - ర్జనుఁ డేఁగుగతికి
ప్రత్యేక శాకాన్న - పాకముల్ బంతి
నిత్యంబు భుజియించు - నిర్భాగ్యుగతికి
తగవులో పక్ష పా - తంబుగాఁ బల్కి
మొగమాట పడునట్టి - మూర్ఖుల గతికి
