అయోధ్యాకాండము
515
ననుపుఁ డిప్పుడె జవ - నాశ్వంబు లిచ్చి
యనిన మీరలె పంపుఁ" - డని వారు వలుక
నతఁడు జయంత సి - ద్ధారుల విజయు
స్తుతమతిశాలి న - శోక నందనుల
పయనముల్ సేయించి - “పనివూని మీరు
రయమునఁ గేకయ - రాజన్యు పురికి
పోయి కేల్మొడ్చి య - ప్పుడు వారితోడ
నీయర్థ మేమియు – నెఱింగింపఁ బోక
మేముపిల్చితి మని - మీరాడి వారి
కేమేర లుడుగర - లెప్పుడు గట్టి 6600
యనుపుదురో నేడు - నట్టి కట్టడనె
కొనిపొండ"నుచు మౌని - కుంజరుండనిన
పయనమై సంబళ - బత్యంబు లంది
కయికాన్క లుడుగర - కట్టలు గొనుచు
ననుపంగఁ దగువారి - నటమున్నె వనిచి
వెనకఁదారు నయోధ్య - వెడలి యప్పురికి
పడమరగాఁ గొంత - పర్యంతమునకు
నడచి యుత్తర దక్షి - ణములుగాఁ బెరుగు
నుపరి తాలంబను - నొకకొండ యుత్త
రపు దిక్కుగాఁ జుట్టి - ప్రవహించు నట్టి 6610
మాలినీ నదిదాఁటి - మార్గంబు లందు
జీలంగ పూర్వ ప - శ్చిమ దీర్ఘమగుచుఁ
దనరు ప్రలంబ భూ - ధరముఁ గన్గొనుచుఁ
జని యుత్తరముగన - శ్వముల మఱల్చి
ఆవల పడమర - యై పోవుచాయ
