అయోధ్యాకాండము
497
నొకరికిఁ జేయనే - నొకనాఁడు కీడు
కనికని వాఙ్మనః - కాయ కర్మముల
జనుల కెవ్వరికి నె - చ్చటనెగ్గుదలప
అటువంటి వానికీ - యాయుధ మరణ
మెటుల వ్రాసితి విధి - యీతలయందు? 6160
"మునిచర్య వానిన - మ్మునఁ బడవైచి
కనిలేని వాఁడేమి - గట్టుకోఁ గలఁడొ?
గురుతల్ప గమనుఁడౌ - ఘోర పాతకుని
కరణి వీఁడునుఁ గూలు - కల్మషంబులను
కడచేరి వృద్ధులై - కాల్మోచి పుడమి
నడుగిడ నోపక - యంధులునైన
తల్లిదండ్రులకు నై - తనమదిలోన
బల్లటిల్లెదఁ గాని - ప్రాణాశగాదు
పూనియే నిన్నాళ్లు - బోషింతువారి
దీనులైరిఁక నేది - దిక్కు వారలకు? 6170
యీయమ్ము ముగురికి - హేతువై నాటె
నాయమ్ము నేమని - యనఁ గలవాఁడ"
అనుచు మానిసిమాట - లాచాయఁ బొడమ
వినిగుండె భగ్గని - విల్లు నమ్ములును
నవనిపైఁ బడవైచి - యంగంబు చాల
వివశత్వమున మిన్ను - విఱిగిపైఁ బడిన
బాగున మిగులనా - పద నొంది యేను
వేగంబె యటవోయి - వీక్షించు నపుడు
వీడెడి జడలతో - నెలవెలనైన
వాడిన మొగముతో - వరదలై తొరుగు6180
