478
శ్రీరామాయణము
మాల్యవతీ నదీ - మహనీయ సలిల
కుల్యాభి వర్థిత - కుసుమిత ఫలిత 5700
వివిధ వనంబుల - వెలఁదియుఁదాను
రవివంశమణి మనో - రాముఁడై మెలఁగి
తమమనంబుల యయో - ధ్యా పట్టణంబు
తమవారిఁబాయు చిం - తలు దూరముగను
సమయోచిత క్రీయల్ - సలుపుచు నచటఁ
బ్రమదానురాగ సం - పదల నున్నంత,
—: సుమంత్రుఁ డయోధ్య జేరుట :—
అచ్చట రఘువీరుఁ - డంపిన మరలి
వచ్చు సూతకిరాత - వరులాత్మలోన
రాముని సుగుణకీ - ర్తనములు చేసి
తాము వెంబడిఁబంపు - తమవారుచేరి 5710
శ్రీరామచంద్రుండు - చిత్రకూటమున
చారువైఖరిఁ బర్ణ - శాలలో నునికి
చెప్పినవిని చాల - చింతించు గుహుని
నప్పుడే వీడ్కొని - యాసుమంత్రుండు
నరదంబుతో నయో - ధ్యా పురిత్రోవ
మఱలివచ్చుచును గ్రా - మంబులు వనులు
కడచి మూఁడవనాఁటి - కడజామునందు
నడలుతోఁదమ యయో - ధ్యా పట్టణంబు
చేరంగనేఁగి యా - క్షితిపతితోడ
శ్రీరామ విభువార్త - చెప్పెద ననుచుఁ 5720
