470
శ్రీరామాయణము
నుచితోప చారంబు - లొనరించిపూజ
లచలిత ప్రీతిమై - నాచరించుటయు
సమ్మదంబొప్ప న - చ్చట నాఁటికెల్ల
నమ్మువ్వురు వసించి - రమ్మఱునాఁడు
—: చిత్రకూటా శ్రమగమనము యమునానది దాఁటుట :—
రామచంద్రుఁడు మౌని - రాజు నీక్షించి
“యో మహాత్మక ! యెందు - నుండుదుమేము 5510
ఆనతియిండ "న్న - నాభరద్వాజుఁ
డైన వంశోత్తంసుఁ - డైన రాఘవునిఁ
గాంచి యిట్లనియె. "నె - క్కడ యననేల ?
యంచిత మునివర - యజ్ఞ వాటంబు
నవరత్న శోభాపి - నద్ధకూటంబు
పాలిత తరువరా - పారఝూటంబు
నీలనీలాంబుద - నికర ఖేటంబు
ప్రాలేయ కర సుసం - బద్ధజూటంబు
పరిసర సంచర - ద్భాను ఘోటంబు
స్థిరపుణ్య కూటంబు - చిత్రకూటంబు 5520
సీతతోఁగూడి వ - సించుచో నీకు
నేతఱి నీమది - కింపుఁ గల్పింతు
అచటి యాశ్రమములు -- నచ్చోటివనుల
నచటి నికుంజంబు - లచ్చోటిదొనలు
అచ్చటఁగల నిర్ఝ - రాపగా వళుల
నేచ్చోట వెదకిన - నేఁటికిగల్గు ?
