అయోధ్యాకాండము
445
జయశాలి నీతిశా - స్త్ర విశారదుండు
పురుష శార్దూలుండు - పుణ్యుండు మత్త
కరిరాజ గంభీర - గమనుఁ డుత్తముఁడు
అట్టిరాముఁడు వను - లందుఁ జరింప
నిట్టి మీవంటి వా - రిండ్లు చేరుదురె?" 4900
అని పురస్త్రీలు నా - యకులతో మృత్యు
వునుఁబోలు కైక చై - వులకు శోకింప
నంతట భానుఁడ - స్తాద్రికిఁజేరె
నెంతయు మహినెల్ల - నిరులల్లు కొనియె
అధ్యయనాగ్నిహో - త్రాదులు లేక
విధ్యుక్త కర్మముల్ - వీడుకోలొంది
యుదక శూన్యంబైన - యుదధియం బోలి
యొదవు నిశ్శబ్దత - నుండె పట్టణము
—: వేదశ్రుతి గోమతులను నదులను రాముఁడు దాఁటుట :—
ఆరీతి పౌరుల - నందెల్ల డించి
తేరుదోలించి మం - త్రియుఁ దామునేఁగి 4910
మిగుల దూరముపోయి - మిహిరోదయమునఁ
తగునెడ కాల్యకృ - త్యంబులఁ దీర్చి
దమసీమ పొలిమేర - దాఁటి కట్టెదుల
నమరపంటలుఁ బండి - నట్టి గ్రామముల
బడలికల్ దీఱఁ జూ - పట్టఁ గన్గొనుచు
నెడనెడఁ బల్లెల - నెల్ల వారలును
"కామాతురుఁడు రాజు - కైకకు లొంగి
రామునివంటి గా - రాపుఁ బుత్రకుని
