430
శ్రీరామాయణము
నీదు కరంబునా - నెమ్మేన నుంచి
సేదదేఱ్పు మటన్న - జీవితేశ్వరుని
గ్రక్కునంజేరి యా - కౌసల్య యతని
చెక్కులు నురమునుఁ - జేతుల నివిరి
రామునిమీఁది వి - రాళిఁ జింతిల్లు
నామహారాజుఁ బా -యక యిట్టులనియె
—: కౌసల్య విలపించుట :—
“కుపస మూడ్చిన త్రాఁచు - కొదమయో యనఁగ
కపటంబు పేరిటి - గరళంబుఁదాల్చి
గైకేయి యున్నట్టి - గతి ప్రాణనాథ!
నాకుఁజూచిన నెమ్మ - నము భీతినొందె 4550
వరమడిగిన నేమి - వనముల కేల
తరమించె నురక - నా తనయుపై నలిగి
తనుఁ గొల్చియుండఁడొ - తా మోముచూడ
ననిన యుండఁడొ నాగృ - హంబులోనైన
తననేరుచెప్పి చెం - తలవారి నడుగు
కొనియైన మెలఁగఁడో - కొన్నాళ్లు పురిని
పర్వకాలముల వెం - బడి సోమయాజి
పర్వి పురోడాశ - భాగంబుఁదెచ్చి
యసురల పాల్సేయు - నట్టి చందమున
పొసఁగునే రామునిఁ - బొమ్మనిత్రోయ? 4560
కొడుకులు తనపెద్ద - కోడలునిట్లు
నిడుములం బడుదురే - యెలజవ్వననముల
నెన్నడు వత్తురో - యిచటికి మఱలఁ
