376
శ్రీరామాయణము
కనకకోమలగాత్రిఁ - గౌఁగిటఁజేర్చి
కానిమ్మని యవేల - కారుణ్యశరధి
జానకి వీనులు - చల్లఁగాఁబలికె.
"ఏలచైతన్య మి - ట్లేమరి నీవు
బాలాలలామ! కో - పమున నేడ్చెదవు? 3240
యేనిన్ను నెడబాతు - నే యింద్రభోగ
మైన నాకేల నీ - యండలేకున్న
వనులకు నేనేఁగ - వలసిన కతన
వనిత! నీమదిఁజూచు - వాఁడనై యుంటి
చిత్తంబులోనేను - చేసిననేర
ముత్తమగుణవతి! - యోర్చిసైరింపు
జగములు నిర్మింప - సమయింపఁజాలు
పొగడికల్ గన్న యం - బుజగర్భుశక్తి
యెంత యంతటికన్న - యెచ్చైనశక్తి
మంతుని నన్ను నీ - మాటలాడుదురె? 3250
జ్ఞానాధికుఁడు కీర్తి - సడలనియటుల
యేనేల యిట్టిచో - నెడవాతునిన్ను
వనవాసములనుండ - వనజభవుండు
వనిత! నీతలయందు - వ్రాసినవాఁడు
అదియేలతప్పు రా - నన్న నిన్నేల
వదలుదు నెఱుఁగకీ - వగ వగపేల?
అతివ! వానప్రస్థు - లడవులయందు
సతులతోనుండరే - సంసారులగుచు
వారికేదోషముల్ - వచ్చె నీవరము
కోరినదే కైక - కొసరుదీఱంగ. 3260
