అయోధ్యాకాండము
367
ధర్మంబు మదిలోనఁ - దప్పక నాదు
శర్మంబుగోరి యి - చ్చట వ్రతాద్యములు
నడపుచునుండక - నావెంటనేల
యడవుల కేవత్తు - ననిపల్కెదీవు
యేలచేసెదవు నా - కింతఖేదంబు
చాలింపు వలన ది - చ్చట నుండు మీవు
సామాన్యమే? వన - స్థలనివాసంబు
భామిని దుఃఖాను - భవకారణంబు
నేనుంచి నటు లుండు - టే నీకు ధర్శ
మౌనది కాదని - యనరాదు నీకు 3030
హితము వల్కెద సుఖ - మేడది వనుల?
నతివ! బాలవు గాన - నంటివిమాట
ఘుమఘుమారావ సం - కుల ఝురీలహరి
తిమిరాతి భయదకు - త్కీలగహ్వరము
ప్రబల హర్యక్ష గ - ర్జాస్ఫూర్జితంబు
నిబిడ ఘుర్ఘుర రవా - న్విత వరాహంబు
భల్లూక గుటగుటా - ర్బటి భీకరంబు
ఝిల్లీసముత్కీర్ణ - ఝీంకరణంబు
గంధసింధుర ఘటా - ఘన ఘీంకృతంబు
సైంధవ ద్వేష దు - స్తర పల్వలంబు 3040
సముదగ్ర వాత్యాప్ర - చండ మారుతము
కమలాప్త బింబ తి - గ్మకరాతపంబు
యేకపదీ కంట - కేంధనాపూర్ణ
మా కంఠవారి మా - ర్గాపగాశతము
వీత శోణిత సుప్త - భీమ శార్దూల
