అయోధ్యాకాండము
365
అణిమాదికములైన - యైశ్వర్యములును
గణుతింప నమరలో - కసుఖంబులెల్ల
పొందుట కన్నను - పురుషునిసేవ
యందు నేమఱకుండు - నదియె యుత్తమము
అతివకుఁ గులవధూ - న్యాయ మిట్లనుచు
కతలందు వినియునుఁ - గనియెఱుంగుదును
నీచరణాంబుజ - నియతసేవనమె
యాచారవిధి నాకు - నన్య మేమిటికి? 2980
కట్టిడి వనుల మృ - గంబులలోనఁ
పుట్టినయింటనుఁ - బోలియుండెదను
నీవెంట రానిచో - నెమ్మదికింపు
గావు త్రిలోకభా - గ్యములు పొందినను
నియమవ్రతంబుల - నిన్ను సేవించి
భయదాటవులఁ దరు - ప్రసవమంజరుల
వాసనలనుఁ గూడి - వాసించుచైత్ర
మాసదక్షిణపవ - మానాంకురములు
పొలయ సేదలు దేఱి - పొదరిండ్లలోన
మెలఁగ నీతోఁగూడి - మెచ్చులయ్యెడును 2990
నడవుల నెవ్వరి - నైన రక్షింప
కడునేర్చుశక్తియుం - గలిగిననీవు
ననుఁ బ్రోవఁజూలవే - నను డించిపోదు
నని యనవలవ దీ - యడవులయందు
కందమూలఫలాది - కములు సేవించి
యుందు నింతియెకాని - యొల్లనేమియును
లేనివి యడిగి తా - లిమి లేక యలసి
