352
శ్రీరామాయణము
ముల్లోకములు నొక్క - మొత్తమై మీఁదఁ
బెల్లఁగిల్లినఁ ద్రుంతు - భీకరాస్త్రమున
వనవాసముల నుండ - వలెనని నిన్నుఁ
గనువారి నేనుంతుఁ - గానలయందు
వేవేలువర్షముల్ - విశ్వమంతయును
నీవేలి తరువాత - నీకుమారకుల
మహికిఁ బట్టముగట్టి - మఱిపొమ్ము వనికి
యహితుఁడౌ భరతుని - కవని గానీను
యీరాజుమాటచే - నియ్యకోవేని
ధారుణి నాదుప్ర - తాపంబుచేత 2670
నీముద్ర తల మోచి - నిష్కంటకముగ
రామ! యేఁబాలింతు - రానీయ నొకని
నిర్వహింపకయున్న - నేనన్నమాట
యుర్విపైగలయా - యుధోపజీవులకు
వెలితియై చనువాఁడ - వినుము నా ప్రతిన
చలముతో నిది నాకు - సాధించుటెంత?
కానిచో నీ విల్లు - ఖడ్గబాణములు
నే నలంకరణార్థ - మేతాల్చు టెల్ల?
సాధనాంతరములు - శత్రులనెల్ల
సాధింపఁ గాక పూ - జలుసేయకొఱకె? 2680
ధనువు నేఁదాల్చినఁ - దా బంటననుచు
ధనువొందునే దేవ - తానాథుఁ డైన
మనుజులలో మారు - మలసి నాతోడ
మొనసేయనున్నారె - మూఁడులోకముల?
బలిమిచేఁ జతురంగ - బలము నాచేత
