338
శ్రీరామాయణము
చేనింక నేనేమి - సేగులందెదనొ?
నీమోము చూడక - నిమిష మాత్రంబు
రామ! యేక్రియఁ దాల్తు - ప్రాణముల్ మేన 2320
నియమవ్రతంబు ల - న్నియును గావించి
నియతి నుండుట లెల్ల - నిష్పలంబయ్యె
యీమాట వినియు నేఁ - డేలకో యవిసి
యేమియుఁ గాకున్న - దిపుడు నామనసు
యేటి వెల్లువచేత - నిడియు గట్టునకుఁ
బోటియై దినదినం - బులఁ దీరవలసె
పంచాననము లేడిఁ - బట్టిన యటుల
కొంచు నేఁగఁ డదేల - కో నేఁడు జముఁడు
యమపురి చోటులే - దయ్యెనో తనకు
సమయంబు లందునా - శము లొందువారి 2330
కరణి యే చందమో? - కాన నత్తెఱఁగు
విరియదు మే నయో! - వినిమయంబగుచు
వ్రతదాన నియమ ప్ర - వర్త నాద్యములు
వితలయ్యె వెతలయ్యె - వేడుక లెల్ల
చవుటనేలను వెదఁ - జల్లు బీజములు
హవణికం బోలివోవ - నాత్మ పుణ్యములు
నావు లేఁగనుఁ బాసి - యఱచినయట్లు
చావులేకునికి వి - షాద వేదనల
వేగింపఁ జూల నీ - వెంట నరణ్య
భాగంబులకు వత్తు - పైనమై యిపుడె” 2340
అనిమోము మీదఁ బ - య్యద కొంగుఁ జేర్చి
తనచెంత కిన్నర - తరుణియుం బోలి
