312
శ్రీరామాయణము
ఆ సుమంత్రుఁడు రాజు - నభినుతింపుచును
భూసురవృద్దు నా - ప్తుని జోడుగూడి
యిరువురుగా లోని - కేఁగి యా యంతి
పురము వాకిలి దూరి - పోవుచునుండ
వారలు సంతోష - వార్తఁ దెల్పంగ
నారాజు సన్నిధి - కరుగుట నెఱిఁగి
వాకిట గొల్లలు - వలదని నిలుప
రాక యూరక యుండ - రాజు చెంగటికి
వచ్చి మిక్కిలి దుర - వస్థచే నునికి
యిచ్చలో నేమియు – నెఱుఁగక సౌఖ్య 1690
పరవశుం డగుటఁగా - భావించి చేర
నరిగి "ఓ భానువం - శాంభోధిచంద్ర!
ధాతను నిగమముల్ - ధరణీధరారి
మాతలియును నంశు - మాలియు శశియు
వసుధను మేల్కొల్పు - వైఖరి మేము
వసుధేశ! మీనిద్ర - వారింపవలసె
చేరితి మిటకొల్వు - సింగార మగుఁడు
తీరుపుఁ డిఁక నామ - తీర్థాదికములు
మేరువుపై నుండు - మిహిరునిం బోలి
సేరుఁ డుజ్వలరత్న - సింహాసనంబు 1700
చంద్రసూర్యులు రుద్ర - శమన కుబేరు
లింద్రాగ్ని వరుణాదు - లేవేళ నీకు
జయమంగళంబులు - సమకూర్పఁగలరు
రయము మీఱఁగ లేచి - రావయ్య నీవు
మీకును మాకును - మేదినికెల్ల
