274
శ్రీరామాయణము
లేతరిం బడుపాటు - నెన్నఁజాలుదుమొ?
యెందుకై వగచెద - నేనుందు" ననిన
మందరతోఁగైక - మఱియు నిట్లనియె.
"రాముఁడు సకలధ - ర్మజ్ఞుఁ డుత్తముఁడు
శ్రీమహితుఁడు గురు - శిక్షితాత్మకుఁడు 750
దయగలవాఁడు కృ - తజ్ఞుండు సత్య
నయవిశారదుఁడు దీ - నజనావనుండు
పరిశుద్ధుఁ డఖిలశో - భనగుణాన్వితుఁడు
ధరణీశునకు నగ్ర - తనయుఁ డార్యుండు
యా పుణ్యనిధియె ప - ట్టార్హుండు గాక
ఏ పట్టునఁ దలంపు - మితరుండు దగునె?
తమ్ములం బ్రజలను - తండ్రి కై వడిని
సమ్మతిఁ బాలించు - సకలసమ్మతుఁడు
యీమహోత్సనము నా - కిటు చూడఁగల్గె
నేమిఁటి కోర్వలే - కిటులాడనీకు 760
రాముఁడున్నన్నాళ్లు - రాజ్యంబు సేయ
నామీద భరతుఁడు - నవని బాలించు
రాముండు భరతుండు - రమణి యొక్కటియె
నామది కిటులాడ - నాయంబు గాదు
భరతునికై నట్టి - పట్టంబె సుమ్మ!
ధర యేలెనేని సీ - తాప్రాణవిభుఁడు
భ్రాతృవత్సలుఁడు చె - ప్పఁగ రాకుమిట్టి
ధాతువాదములకుఁ - దాళితి నిపుడు
తగు నాజ్ఞ సేయింపఁ - దగునిన్ను నితఁడు
తెగరామి చేకాచి - తినిపొమ్మనంగ 770
