అయోధ్యాకాండము
271
రాముఁడ కంటక - రాజ్యంబుసేయఁ
గామించి పట్టంబు - గట్టుచున్నాఁడు
మగఁడని యెంచి న - మ్మఁగరాని యట్టి
పగవానితోఁ గూడి - పాయకున్నావు
పాముతో చెలిమి ద - బ్బర వచ్చె నింక
యేమిసేయుదమమ్మ? - యిగురాకుఁబోణి!
ఎఱిఁగియుండియు నీవు - పేక్షించితేని
భరతుండు నీవునా - పదలనొందుదురు
నిన్నును నన్నును - నీకుమారకుని
కన్నడసేయక - కాచిరక్షింప 680
మదిలోననెయ్యది - మార్గమో చూచి
అదినడపించు కొ - మ్మ"ని పల్కుటయును.
సాంద్రవిలాసయౌ - శారదసమయ
చంద్రరేఖయుఁబోలు - సకియకైకేయి
దిగ్గునలేచి ధా - త్రేయిగౌఁగింట
బిగ్గఁజేరిచి మేనఁ - బెట్టిన యట్టి
సొమ్మెల్లనొసఁగి మె - చ్చుల చేత "దేవి
కొమ్మ నావీనుల - కును చల్లనయ్యె
శ్రీరామపట్టాభి - షేకవృత్తాంత
మీరీతి నాకు నీ - వెఱిఁగించు కతన 690
నింతకు మిక్కిలి - యేది సంతోష
మంతియ చాలు క - ల్పాంతంబుఁగాఁగ
రామచంద్రుండె చి - రంజీవి యగుచు
యీమహాసకలంబు - నేలఁగావలయు
ప్రాణనాథుఁడు దశ - రథుఁడు నాకెంత
