అయోధ్యాకాండము
257
—: దశరథుఁడు రామునభిషేకమునకుఁ బ్రోత్సాహపఱచుట :—
మును క్రోధమును లోభ - మును మోహపఱప
మదము మాత్సర్యంబు - మానుట నృపుల
వదలని వ్యసనముల్ - వదలుట మంత్రి
ముఖ్యులం బ్రత్యక్ష - మునఁ గడలందు
సఖ్యంబు వాటించి - చనవు లిచ్చుటయు
కడజముల్ రాష్ట్ర దు - ర్గములు బొక్కిసము
కడుఁ బరామరిసించి - కనుకట్టుటయునుఁ 340
బ్రజలఁ బాలించుట - పలికిన మాట
నిజము సేయుట పౌర - నికరంబు కలిమి
కని యోర్చుటయు మొదల్ - గాఁగలగుణము
ననయంబుగల రాజు - నందు రందఱును
నమృతంబు చూచిన - యమరులమాడ్కి
సమచిత్తులై మేలు - సమకూర్పఁగలరు
కావున నాబుద్ధి - గైకొని యేలు
మీ వసుమతి యెల్ల - నీ వని" పలుకు
నృపుమాట రాముని - నెచ్చలుల్ వోయి
యపుడు కౌసల్యతో - ననిన నుప్పొంగి 350
యమ్మహాగుణవతి - యావులు మణులు
సొమ్ములు గనకరా - సులు నుడుగరలు
వారల కొసఁగుచో - వసుధేశుఁ డనుప
నారాఘవుఁడు తన - యావాసమునకు
దొరలు నాప్తులును బం - ధులుఁ జేరికొలువ
