అయోధ్యాకాండము
255
బంధురగతి మ్రోలం - బాయక యుండ
అన్ని యత్నంబులు - నాయత్తమగుట
విన్నవించిన మహా - విభుఁడు హర్షించి
రమ్ము సుమంత్ర! శ్రీ - రాముని దోడి
తెమ్ము నా వినయ వి - ధేయుఁడై యతఁడు
శ్రీరామచంద్ర ! పి - ల్చెను మహీవిభుఁడు
రారమ్ము నెందుతీ - రదు తామసింప 290
నని తోడితేర నా - నామరశ్రేణి
తనుఁగొల్వ నున్న సు - త్రామునిరీతి
రాజులతో దశర - థుఁడు గొల్వుండి
రాజమార్గంబున - రా రామచంద్రు
తనమేడపై నుండి - దశరథ విభుఁడు
కని యరదంబుపై - గంధర్వరాజు
సముని లోకప్రశ - స్త మహా ప్రతాపుఁ
బ్రమదాత్ము నాజాను - బాహు మత్తేభ
సన్నిభ గమనుని - సత్యసంపన్నుఁ
గన్నులవిందయి - కనుపట్టువానిఁ 300
జంద్రబింబానను - జనమనఃకుముద
చంద్రుని జలధర - శ్యామ శరీరు
సర్వరక్షణ గుణో - జ్జ్వలుని సత్కీర్తి
సర్వోన్నతుని రామ - చంద్రునింజూచి
బీరెండ నలఁగి దూ - పిలిన మానవుఁడు
వారిదంబునుఁ జూచి - వడదీరినట్లు
తనియక కాంచు న - త్తరి సుమంత్రుండు
కనకరథం బలం - కారంబు సేయు
