236
శ్రీరామాయణము
వేగ వాకొనుమన్న - వెలవెలంబాఱి
అమర నదీవేగ - మౌర్వాగ్ని చేతఁ
దెమలిన కైవడి - దీమసం బుడిగి 5700
అజహరీంద్రాదులై - నట్టిదేవతలు
భజియింపుచును మింటఁ - బరికించి చూడ
బలమెల్లఁ బోయియా - భార్గవరాముఁ
డల దశరథ పుత్రు - నాశీర్వదించి
"నన్నురక్షింపు మ - నాథశరణ్య!
విన్నవించెదను నా - వృత్తాంతమెల్ల
రాజసూయ మొనర్చి - బ్రాహ్మణావళికి
నీజగతీచక్ర - మెల్ల దక్షిణగ
నిచ్చినవాఁడ ని - దే నొక్కనాఁడు
నెచ్చట నుండరా - దీగతి చెఱుప 5710
యేను మహేంద్రాద్రి - కేఁగంగఁజాలఁ
గాన నాపుణ్య మా - ర్గములడ్డగింపు
ఆవిల్లు విఱిచి నా - యస్త్రాసనంబు
నీవు గైకొనుటచే - నిక్కంబుగాఁగ
వనజాక్షుఁడును మధు - వైరి యక్షయుఁడు
ఘనుఁడు విష్ణువునని - కని యెఱింగితిని
నీకుమేలగుఁగాక - నినుఁజూచు వేడ్క
లోకేశ ముఖదివ్యు - లును వారె వచ్చి
యున్నవారిదె నీకు - నోడుటల్ మిగుల
మన్నన యగు నవ - మానంబుగాదు 5720
యేఁగెద నేను మ- హేంద్రాది కిపుడె
ఆఁగుము నాదు పు - ణ్యపదంబు లేసి
