232
శ్రీరామాయణము
రానేల? ధనువు న - స్త్రములు శస్త్రములు
మాని కాశ్యపునకు - మహి ధారవోసి 5600
యీవు మహేంద్రాద్రి - కేఁగితి వనుచు
భావంబు లోనమ్మి - బ్రతికితిమనఁగ
వోనీక నా పాప - ములు పెడరించి
యీనిన్నుఁదెచ్చె నిం - కేమి సేయుదుము?
తమకెల్ల నత్యుప - ద్రవహేతు వైతి
నమరులచే నిన్ను - నరికట్టఁదరమె?
రామునితోటి వా - రమె యిందఱమును
రామచంద్రుండె మా - ప్రాణంబులెల్ల"
అని దశరథుఁడాడ - నదలించి మించి
ఘనురాముఁజూచి భా - ర్గవ రాముఁడనియె. 5610
"వినుము రాఘవ! జగ - ద్విదితంబులైన
ధనువు లీరెండు నా - ద్యములు దివ్యములు
నిర్మించె నివి తన - నేర్పున విశ్వ
కర్మ యందొక విల్లు - కాలకంఠునకు
దేవత లిచ్చిరి - త్రిపురముల్ గెలువ
నావిల్లు విఱచితి - వతిశక్తి నీవు
సరియందు తోడ వై - ష్ణవ శరాసనము
హరికి నిచ్చిరి వేల్పు - లందరు దీని
నజునితో నింద్రాదు - లైన వేలుపులు
భుజశక్తి శౌర్యవి - స్ఫురణలచేత 5620
హరియెక్కుడో కాక - హరుఁడధికుండొ
అరసి యేర్పఱపు మీ" - వనిపల్కుటయును
నారదు నంపింప - నానాఁట నతఁడు
