218
శ్రీరామాయణము
దెచ్చితానున్న గ - ద్దియ మీఁదనునిచి
దశరథనృపతి యా - తనిమోముఁజూచి
కుశలంబులడుగనా - క్షోణీశుఁడనియె. 5260
"తమరాజు నితర బాం - ధవులు నందఱము
ప్రమదంబుతోడ ని - ప్పటికి సేమమున
నున్నార మతని ని - యోగంబుచేత
నిన్ను నీభరతుని - నేఁజూడవలసి
యే నయోధ్యకువచ్చి - యీ తొలునాఁడె
జానకికల్యాణ - సంబరంబునకు
చనినవారని పల్క - సంతోషవార్త
విని యేను కన్నుల - విందుగాఁజూడ
వలసివచ్చితి"నన్న - వచనసంగతికి
నెలమి "సంతోషమా - యె" నటంచుఁబలికి 5270
ఆరాత్రివసియించి - యమ్మఱునాఁడు
శ్రీరామ విభుఁడు వ - సిష్ఠానుమతిని
—: శ్రీ సీతాకల్యాణము :—
ధరణీశునాజ్ఞ సో - దరులతోఁగూడి
సరవిగా మంగళ - స్నానముల్ చేసి
సాంకవ మృగమద - సమ్మిశ్రమైన
కుంకుమపంకంబు - ఘుమ్మననలఁది
నవరత్న భాసమా - నములైన యట్టి
వివిధాంగుళీయక - వితతిఁగీలించి
జవ్వాదితావు లె - సంగు సంపంగి
పువ్వుటెత్తులు సిగఁ - బొసఁగించిచుట్టి 5280
