ఈ పుట ఆమోదించబడ్డది
బాలకాండము
199
పెనువిల్లుజూసి నే - బిడ్డనిచ్చెదను
యెక్కిడుఁడని పల్కి - యిందర వాసి
మొక్కపుచ్చుచుఁ జాల - ములుచయైనాఁడు
కలనిలో నీతని - గర్వంబణంచి
బలిమిగొంపోద మీ - బాలకి ననుచు 4800
హత్తుక వారు నా - యవనిపై కోట
ముత్తికచేసిన - ముట్టడి దాఁకి
దవసధాన్యంబులుఁ - దగు రసవర్గ
మవల రాశాక నా - యవనిలోలేక
జనులెల్లఁదల్లడిం - చఁగఁజూచి భక్తి
ననిమిషారాధన - మాచరింపంగ
వారు నాతపము భా - వంబుల మెచ్చి
యారూఢబలచతు - రంగబలంబు
నిచ్చినఁ బగవారి - నెదిరించి పోర
విచ్చిపోయినవారు - వెతనొందువారు 4810
శరణొందువారును - సామభేదముల
మఱిలిపోయినవారు - మడిసినవారు
నగుచుఁబోయిన పగ - యనుమాటలేక
జగతి మీకరుణచే - సవనమే నొకటి
కావింపుచుండ రా - ఘవులఁ దెచ్చితివి
యావిల్లు శ్రీరాముఁ - డందియెత్తినను
—: రామచంద్రుఁడు శివునివిల్లు విఱచుట :—
నిప్పుడె భూమిజ - నిత్తునేన"నిన
తెప్పింపుమనుచు గా - ధేయుఁడాడినను
