బాలకాండము
185
పరలోకసుఖము నా - పాలికెన్నఁగను
వీడు మేనల్లుండు - వీనిరక్షింప
వేఁడెద మిమ్ము న - వ్విభునికిచ్చుటకుఁ
జావునకోడి నా - శరణంబుజొచ్చె
నే వీని కభయంబు - నిచ్చినవాఁడ 4460
యిందులోపల నొక్కఁ - డేర్పడి మౌని
నందనుప్రాణంబు - నకు నడ్డపడుఁడు
యాగంబునకుఁపశు - వైనవానికిని
వేగంబె యేనిత్తు - విబుధలోకంబు
యిదె సమయంబు నా - కిదియె సుపుత్ర
పదవిచే లభియించు - పరమలాభంబు
పరధర్మమును పితృ - వాక్యపాలనము
శరణాగతత్రాణ - సంపత్తి సకల
దేవతాతృప్తి పి - తృప్రీతియిట్టి
పావనశ్రీలుచే - పట్టడొక్కరుఁడు.” 4470
అనిన గర్వంబుతో - నలఁతి నవ్వొలయ
జనకునిఁజూచి వి - శ్వామిత్రులనిరి.
"గారవించుటయు శృం - గారించి భక్తిఁ
దేఱిచూచుటయొ చే - తికి పండు ఫలము
యిచ్చుటో పెండ్లి - సేయించుటో చదువు
వచ్చెనా యనివిని - వారిమెచ్చుటయొ
క్రతువులు సేయించి - కలిగినసొమ్ము
హితబుద్ధితోఁబంచి - యిడుటయో యాత్మ
బోధంబుపిలిచి తె - ల్పుటయొ సద్వృత్తి
బోధించుటో నీవు - పుత్రులంజూచి 4480
