162
శ్రీరామాయణము
జాలెత్తఁజేసె నా - జ్యప్రవాహములు
తేలించె తెప్పల - తేనె కాలువలు
వెలయించె నేచాయ - వింతకజ్జములు
కలయించె నెడమీక - కలవంటకములు
ప్రవహింపఁజేసెను - పాయసాన్నములు
నవని నిండించె ర - సావళ్లచేత
పులసులు షడ్రసం - బులు వారివారి
తలఁపులఁదలఁచునం - తకు మున్నుగాఁగ 3910
ఘుమ్మని తావులు - గుమ్మరింపంగ
కమ్మందనంబు లా - కసమెల్లనిండ
దొరలతో నాలుక - త్రుప్పుడుల్ దీఱ
పరిజనుల్ కుత్తుక - బంటిగా నపుడు
భుజియించి వార్చి తాం - బూలంబులంది
రుజలును మానస - రుజలును మాని
వలసిన తరులక్రే - వల నీడలందు
చలువపట్టుల సుఖ - శయనులైరంత.
పల్లకీలునుఁ దాను - భక్ష్యభోజ్యములు
నుల్లముల్ రంజిల - నొకపొత్తుగలసి 3920
యారగించి నృపాలుఁ - డామేలు మఱచి
"వీఱిఁడియై యావు - విందొనర్చుటకు
ములుచతనంబున - మునులకునేల?
వెలలేనియీ యావు - వింతలుగాక
రాజయోగ్యంబిది - బ్రాహ్మణులేడ?
యీ జీవధనరాజ - మేడ?" యటంచు
మునిఁజూచి "నాకు ని - మ్మొదవుఁబాలింపు
