132
శ్రీరామాయణము
మేనల్లు వారల - మేయ సాహసులు
తగునె సాధరణో - దకదానమొసఁగ
సగరులీ లౌకిక - జలములచేత
కడతేర నేర్తురే! - గంగాప్రవాహ
మడరించి తిలదర్ప - ణావలియొసఁగు 3190
కపిలకోపాగ్ని ద - గ్థశరీరులైన
విపులపాపాత్ముల - వే దరిజేర్పు
మంచివాఁడవు నీవు - మఘవాజిఁగొనుచు
సంచితపుణ్య మీ - సవన మీడేర్పు
మరుగు మయోధ్యకు - నన్న పక్షీంద్రు
చరణంబులకు మ్మ్రొక్కి - చయ్యనఁగదలి
తనపితామహునితో - తండ్రుల తెఱఁగు
వినతాసుతుని మాట - వినుపించుటయును.
కడ లేనిదుఃఖ సా - గరములోమునిఁగి
యడలుచు నెరవేర్చి - యశ్వమేధంబు 3200
గంగనుర్వికిఁ దెచ్చు - క్రమమాత్మలో నె
ఱంగక యాత్మసా - మ్రాజ్య మేలుచును
ముప్పదివేలేండ్లు - మునుముట్ట బ్రదికి
ముప్పున సురలోక - మున కేఁగెనతఁడు.
అతనికి తరువాత - నంశుమంతుండు
క్షితియెల్లఁ దా నభి - షిక్తుఁడై ప్రోచి
ఘనుని దిలీపుని - గాంచి యావెనక
తనరాజ్యమెల్ల నం - దనునకు నిచ్చి
వెలయ ముప్పదిరెండు - వేలేండ్లు గంగ
నిలకుఁ దేరఁగ మది - నెంచి కానలను 3210
